Episode 10

“Qiara…” Kimberly yang menangis kerana Nik yg telah melukakan hati nya… “Oh my God… why u dressed like this?” Si Qiara tanya si Kimberly setelah melihat adik dia dalam keadaan ‘image baru’ dan yg tidak bermekap itu…
Elena dengan cepatnya mendapatkan air sejuk untuk Kimberly…
Kimberly yang sekampus dengan Nik adalah adik kesayangan kepada Qiara…
“Kimberly… don’t make me confused. Tell me what’s wrong?” Qiara bilang..sambil mengambil lipstick utk dipakaikan kepada Kimberly…
Tapi si Kimberly avoid…
“Nothing…” Si Kimberly dengan nada yg sedih sambil meminum air sejuk yg dibawa oleh Elena…. “Oh… I am glad… Sia pikir ada sesuatu tadi…” Si Qiara bilang.. then si Elena menyampuk .. “I think ko nangis becoz u look ugly dressing macam tu… kan, Kim?!” Si Kimberly pun rasa very sad because of kawan kakak dia pun anggap dia tidak cantik dengan berpakaian simple yg tidak sexy. Tapi for Nik dia sanggup terima apa yg orang cakap… “well, I’m afraid korang will have to get used to how I dress now…” Si Kimberly bilang…
“Now.. what’s the big change? And what’s the crying for?” Si Qiara tanya…Qiara takut nampak muka adik dia yg teda mekap…
“Well, for myself… I’m doing this utk kebaikan saya… saya akan buat apa saja utk dapatkan apa saya mau…” Si Kimberly bilang…
“Ah… that’s our sister…” Si Elena bilang…
“Hehehe… dia memang macam saya kan, Elena? Kita bertiga akan dapat apa kita mau…” Si Qiara bilang…

Sebenarnya, Kimberly dan kakaknya Qiara berbeza, Kimberly at least mempunyai hati yg suci… dan Qiara anggap adik dia tu macam dia… sanggup buat apa saja… “I think I could use you in my plan…Kim…” Si Qiara bilang…
“Huh! Plan apa?” Si Kimberly tanya… “Plan utk medapatkan apa yg kita mau..like u said…” Si Qiara bilang…
“Sorry Sis, I really love to join u… but I have my own plan.” Kimberly bilang…
“Ok… actually sia happy yg ko ada plan sendiri, so; err…”
“Can you wait sampai sia achieved plan sia then kita plan lah?” Si Kimberly offer… tanpa tahu menahu apakah plan kakak dia dan Elena itu…
“Yes.. of course… so bah… next time sia tdk lagi mau tinguk ko nangis macam ni saturang… especially do not cry because of boys…ok?” si Qiara bilang… Then si Kimberly macam kana electric shot skajap because memang dia sedang menangis because of a boy… dalam hati dia bilang … [Nasib baiklah sia tdk cakap yg benar..] so dia jawab selamba saja… “Mmmm… now I want to sleep…” walaupun dia nampak macam rapat sama kakak dia… si Kimberly actually takut sama Qiara.
“Right… that’s good girl.. I didn’t raise you to cry for boys..now good night!”
“Good night!” Si Kimberly bilang…

Then, kedua2 witch ini pun berbincang sambil menghisap rokok dan meminum red wine ala French di samping mendengar lagu Latin Sepanyol nyanyian Jyve V ‘Solo a tu lado quiero vivir’ yg sebenarnya adalah kegemaran si Romulus…yg bermaksud ‘You are the only one I want to live my life with’ (Theme song “Juana’s Miracle”). Sementara sedang asyik menikmati lagu… dengan wine dan rokok itu.. Qiara tutup mata dia dan berimaginelah konon si Romulus akan merayu pada dia… dan menggilai dia seperti yg dia gila si Romulus…bahawa lagu itu dedicate utk dia.. then dia buka mata dia dan senyum sendiri.. “One day, you will, Romulus Agusto! One day!”

Episode 9

“Look… sia betul2 mo jadi kawan kamu ni..” Si Kimberly bilang… “Fine.. but we’re full.” Lagi si Nik bilang… “No… you’re not full… 2 lelaki 1 perempuan saja, so if I join baru full, even; 2 lelaki 2 perempuan…” Kimberly suggest then dia exhale dan inhale satu kali sambil senyum…
“Listen.. ko jangan pikir ko tukar image trus ko bulih join kami sini..” si Nik bilang tidak tahan lagi perangai si Kimberly.… “Sorry… but we don’t welcome u here… walau pun ko sudah tukar cara pemakaian ko.. ko bukan type kami…ok.. so please leave us alone.” Si Nik bilang lagi… tapi si Kimberly indaa mau give up “Don’t judge me by how I dress… please at least give me a chance… you’ve nothing to lose.” Si Kimberly bilang…
“Nik… give her a chance lah…” Si Alfonso bilang.. “Give her a try… see how long can she tahan not to wear sexy..” Si Imelda bilang…
Then Nik yg memang jenis keras kepala pun pack semua buku dia dan prepare to go.. “Kalau perempuan murahan macam dia ni kamu mau kasi masuk dalam study group kita, fine. I’ll leave.” Nik bilang trus dia lari… Mau tdk mau… Alfonso dan Imelda pun ikut si Nik kasi tinggal si Kimberly saturang… then si Kimberly yang betul2 sudah berubah demi cinta dia terhadap Nik pun skali lagi kana cucuk parang bertagar… kali ini dia berasa sangat sedih dan dia menangis teresak-esak.. belum pernah dia rasa begini sedih.. belum pernah dia menangis begini teruk… then dia terus pulang tanpa attend class yg lain2…

Di A,S & Co., pula, Qiara plan utk buat si Romulus terpaksa keluar sama dia utk attend meeting sama clients. So pigilah diorang berempat (Romulus, Chris, Qiara dan Elena) pigi jumpa client after work di sebuah Japanese restaurant…

Dalam plan Elena and Qiara actually teda client.. Cuma diorang mo buat Chris &
Romulus spend more time on diorang.. Diorang worry kalau2 Romulus mau hantar si Alendra pulang lagi… “Rommie… ko masi ingat kah dulu kita selalu datang sini jumpa client?” Si Qiara bilang ..
“Ingat… ya ko selalu buat client kita happy. You’re the best.” Si Romulus bilang… “Cheers.” Minum2 lah diorang… So si Qiara ketawa happy lah.. dia tau dia masi important di hati Romulus.…
“Saya tau…teda sesiapa yg buli ambil tempat saya.. kan, Rommie?”
“Ya… ko lah tu secretary saya yg terbaik…” Si Romulus bilang…

Si Chris pula yg balik2 tinguk jam tangan bersuara… “Mana ni client ni? Rom, sia mo pigi jumpa Betty ni… she’s waiting for me..” Then Elena pun cepat-cepat bersuara.. “Chris please… ini important client ni…”
Then si Qiara yg pentingkan diri sendiri itu pun bersuara…
“Ok.. lah Chris u go… just us will do fine..” Dengan hati yg kejam si Qiara cakap macam tu supaya dia bulih bersendirian sama si Romulus…
“Ok.. we’ll discuss about this tomorrow. Bye.” Chris bilang trus dia pigi lah..
Elena pula skarang yg kecewa… bibir dia bergerak sambil mata dia tajam focus sama Qiara “You’re not helping me…” tapi teda suara lah…
So, Romulus pun tunggu2 client dia… tapi lambat pula indaa muncul…
“Qiara, where’s our cilent? Napa lambat ni?” Si Romulus tanya… “Kita minum2 dulu bah…. Bukan tidak biasa… dulu yg mula2 pun…” Si Qiara sambil dia cubit2 dengan lembut paha si Romulus… dan minum beer…. “dulu yg mula2 pun.. client tdak muncul..then kita minum sampai mabuk… kan? Rommie kan? Do you remember that?” Si Qiara yg sudah nawuk bercakap2… “Yes.. I remember… tapi skarang tu client datang ka tidak?” Si Romulus tanya… Si Elena yg tinguk saja gelagat ni 2 orang masih rasa hampa… Qiara pula maikn mo dakat sama si Romulus… The si Romulus rasa janggal… “Qiara I think ko minum tlampau banyak ni…”
“Dulu pun kita selalu minum banyak2…” Si Qiara bilang… then dia mau pi peluk si Romulus mau cium dia kalau bulih… “Qiara stop this..” romulus bilang trus dia berdiri… “Elena… since the client tidak datang today, ko tukar hari lain. Saya balik dulu..” Romulus bilang then dia keluar beginning to feel weird about Qiara..
So tinggallah Elena dan Qiara dalam VIP room tu… Sekali lagi datang gila si Qiara,… “Romulus!! Rommie!!! Why!!??? Isk... grr…isk…grr…” Dia menjerit sambil menangis… “Oh… my baby…” Si Elena bilang trus dia pigi paluk si Qiara dan dia pun menangis juga…”Sian ooo kita…” Elena bilang… “Ini semua because of since tu budak kampung muncul…isk grr…” si Qiara mengamuk…
“No!!!?? The budak kampung goda Romulus saya… Alendra mau rampas Romulus saya iks…grr..” Sambil menjerit dan sambil menangis lagi si Qiara…
Maka Elena layanlah kegilaan si Qiara yg bagi dia bukan first time….

Meanwhile, si Chris dan Betty ada movie date.. so si Alendra.. tulung jaga kedai bunga for few hours… si Loretta pun still di kedai bunga… si Alendra tinjau2 sana kada Raju… tinguk2 kalau ada van si David… tapi teda… Alendra tunggu sampai pukul 9 malam… tapi masih teda juga… “Mungkin niari dia tidak singgah kadai Raju…di trus balik quarters mangkali tu..” Alendra pikir… “sms pun dia teda balas…” lagi dia berpikir…. So dia call lagi si David punya handphone… this time ringing tapi si David indaa jawab… si David sengaja tidak mau jawab… Then tiba2 phone dia ringing… tapi it was Romulus yg call dia… “Hello Alendra.. It’s me Romulus.”
“Yes… I know. What’s up?” Alendra tanya dengan nada yg inda berapa happy…
“Well, teda saja mo call tanya khabar… ko tdk marah bah kan kalu sia call ko?” Si Romulus bilang… “Tidak lah.. eh ko bukan jumpa client kah, sama diorang Qiara?” si Alendra bilang…
“Ya tadi. Tapi client teda datang. Elena dan Qiara masih sana minum2.”
“Oh.. napa ko join diorang minum?”
“Well, ada juga sikit2 sia minum. By the way, ada ko nampak si Chris?” Itulah si Romulus brani call si Alendra sebab dia ada minum sikit2…
“Ada tadi, dia pigi tinguk wayang sama Betty..”
“Syok oo diorang kan… eh si Betty suka si Chris ka tu?”
“Sia tia pasti tapi macam ya, napa?”
“Cuba ko pastikan, sebab si Chris tu in love betul sama Betty tu..”
“Saya pastikan… and then lepas tu?”
“Lepas tu kita jadi match maker diorang…”
begitulah.. perbualan telefon antara Romulus dan Alendra… at least skarang Romulus ada alasan utk call si Alendra… Romulus plan utk menjodohkan Betty dan Chris supaya dia sama si Alendra akan makin rapat…
Sementara itu, Qiara dan Elena g tidak mau akur pada takdir… misti mau buat lelaki idaman diorang fall or them, plan lagi lain punya taktik…
“Elena… tomorrow kita indaa kerja.. so tonight ko stay over at my place… kita plan butul2.. this time yg serious punya… kalau perlu mengorbankan nyawa pun kita teruskan… ” Qiara suggest..
“Yes… I agree…and I also really need a friend tonight..” Si Elena bilang..
So.. both of them pigi sama rumah Qiara…

Sampai saja di rumah Qiara, then seperti biasa Qiara greetlah sperti selalu kalau dia pulang ke rumah kerana ada seseorang yg amat disayangi sedang menunggunya setiap hari… “Baby… Honey… I’m home.” Tapi indaa pula seperti biasa… kali ini teda jawapan… so Qiara pun runsing dan masuk ke bilik orang kesayangan nya itu dan ternampak orang kesayangannya itu sedang menangis dengan sedih…
Dengan melihat keadaan itu Qiara pun rasa sangat upset… kerana adik perempuan kesayangan nya itu sedang menangis.. Qiara tidak pernah melihat adiknya menangis begitu… “Baby… Honey.. what’s wrong?” Qiara tanya dengan penuh concern… adiknya tetap masih menangis… “Baby… Kimberly, what’s wrong with you? Napa ko nangis begini? What happened at campus? Who hurt you??”

Episode 8

Dengan keadaan Elena dan Qiara yang masih marah tu.. “How can this be?!?!!?!?” Qiara masih lagi teriak2 saturang.. “How can dia buat macam saya tidak wujud!!!?!??!”
Keadaan Qiara yg tidak terkawal macam mau bunuh seseorang tu memang bikin seram… beginilah dia kalau dia sakit hati… Qiara buka hand bag dia dan ambil cermin kici dan tengok muka dia… dengan keadaan mal-minded dia bercakap “Napa? What’s wrong with me? Apa yang ada sama si Alendra? Napa Romulus begitu happy sejak si Alendra muncul?” dia akan pandang ke cermin dan bercakap seorang diri.. memang dia ada masalah mental.. hanya Romulus sahaja yg boleh buat mental dia bermasalah… Tapi Romulus tidak tahu menahu semua ini… dia hanya tau Qiara adalah seorang yang profesional di ofis… dan Romulus juga tetau yg si Qiara ada menaruh perasaan yg mendalam tehadap dia…

Sebenarnya… memang si Romulus ada hati sama Alendra, bagi Romulus; Alendra ada ciri2 girl of his dream… tapi Alendra pula otherwise… Alendra sudah suka sama David… hero dia.. dan hari tu memang si Romulus offer utk hantar Alendra pulang plus… diorang (Chris & Romulus) mau singgah di kadai Betty..

At kadai bunga pula si Betty surprised to see Alendra, Chris & Romulus…
“Hey!!! Sinang juga kamu.. “ Si Betty greet…
“Hey Betty… meh pi makan…” Si Chris invite. Alendra pula sebenarnya tidak mau pigi.. tapi how can she say ‘no’ to Boss.. lagipun dia baru start kerja…
So that night, mereka berempat pigi lah makan2…di open space (macam Anjung Senja) mesra bergaul, bersenda ketawa, mesra bercerita.. masa ni si Romulus asyik2… pandang si Alendra.. Alendra pula ketawa saja pasal cerita lawak si Chris… “…. Adakah patut tu ambulance tabalik…” Chris bilang… asyik berserita lawak dia tidak berhenti2… Romulus yang sudah bosan dengar cerita kawan dia tu.. pun ketawa sikit sambil asyik memandang si Alendra… seolah-olah macam dia ternampak angel.. dengan tiupan angin yg blowing rambut si Alendra… si Romulus bertambah asyikk lagi.. keasyikan si Romulus memandang si Alendra penuh dengan perasaan cinta yang sejati, penuh dengan kasih sayang itu, di perasaan oleh seseorang yg berlalu di sana secara kebetulan… orang ini kebetulan ada kerja sikit di kawasan berhampiran itu adalah orang yg juga in love sama Alendra; si David… David ternampak lelaki yg berpakaian kemas (with neck tie), berduit, dan berupa handsome sedang memerhati buah hati dia dengan penuh makna…dan mereka sedang bergaul mesra. Bagi David dia indaa bulih buat begitu… David rasa Romulus itu adalah pesaing yang hebat… bagi David.. kalau Alendra diberi pilihan antara dia dan Romulus mesti Alendra akan pilih Romulus… disebabkan.. Romulus itu kaya, tampan, berkereta, berumah…dan lain2..

Pada malam tu, tidak sama bagi David.. dia tau Alendra tu bebas bergaul sama sesiapa saja yng dia mau… tapi David felt very hurt.. dia jealous.. that night David indaa dapat tidur.. dia tdk tau apa mau buat.. in the end dia decide not think about Alendra lagi.. dia decide to forget about Alendra… bagi David, dia hanya pemuda miskin yng tdk mampu bagi Alendra apa2… David talan saja perasaan dia about Alendra…

Di rumah Betty pula after the dinner… Betty infrom lah si Alendra about the bunga ros dan hal tadi pagi yg dia terjumpa si David..
“Si David yang bagi ko tu…” Si Betty bilang..
“Yes.. I know. I got the feeling.. dia saja lelaki yg kenal saya di sini… takkan adik saya mau bagi sia bunga kan!?! Mestilah si David..” Alendra bilang dengan gembira…
So Alendra decide to give David a call on his handphone to thank him on the flower… tapi David off handphone dia… after tried so many times… masih tidak dapat si David…
“Yeee… can’t get him..” Alendra bilang. So she send an sms {Thanks for the flower. I love it.}
Tunggu2 teda reply… so dia pun tidur lah…

The next day, di U, semua orang berasa hairan dengan satu perubahan yang besar… si Kimberly tukar image. Tdak lagi berseksi2… teda lagi bermekap tebal… tidak lagi bergete-gete… bagi whole campus memang amazing lah apa yg terjadi tu… Marion and Amanda yg masih with sexy image hairan napa si Kimberly begitu… tapi bagi Marion & Amanda… itu Cuma taktik si Kimberly.
So before class, berkumpul lah ini 3 orang Marion, Amanda & Kimberly di ‘Ladies’ Room’ … “There you go girl… I think si Nik misti tergoda nampak ko macam ni…” Si Marion bilang…”Hehehe… so what’s the plan?” Si Amanda tanya… “Nothing.” Si Kimberly bilang terus dia keluar pigi class.. Marion and Amanda very terkejut… Sambil berjalan sambil berbual … “What do you mean by nothing?” Marion tanya…
“You guys should dress like me now…do you know what it’s like? I feel clean.. I feel like being re-birth… I like the new me.. I’m gonna stay like this..” Kimberly bilang… “For Nik? For that nerd?” Amanda tanya.. Kimberly berhenti berjalan skejap dan bersuara…
“Yes.. to be true to you two, my good friends… I think I am in love with him… and please do not call him nerd..” Kimberly bilang… on the to corridor, dia ternampak si Imelda dan cepat2 pigi approach Imelda… Amanda dan Marion tercegat di belakang…
“Hi Imelda…” Si Kimberly tergur mesra dengan senyuman yg manis… dengan weirdnya si Imelda jawab “Haa..iii…” trus Imelda masuk class..

Break time, si Imelda cerita itu hal to Alfonso and Nik… lucu lah diorang rasa…
“Tukar image?” Si Nik bilang sambil ketawa… then datang lah si Kimberly secara tiba2… “Hi Nik.. hi Imelda… hi Alfonso..” sekali lagi dia tegur mesra dengan senyuman manis… “Hi….” Jugalah diorang semua bilang… then kawan Kimberly, Amanda & Marion rasa macam kana betrayed oleh si Kimberly… “Next time kita jangan lagi layan dia…” Diorang bilang…

“Can I join your study group?” Si Kimberly tanya…
“Huh!!??” Si Imelda bilang… then Nik, Alfonso dan Imelda ternga-nga with each other skajap... “Sorry.. we’re full.” Si Nik bilang…

Episode 7

The next day, seperti biasa lah… si Betty pigi buka kadai, si Alendra pigi kerja…
Si David pula pigi lah hantar nutrient bunga sana kadai Betty…
So kali ini sampat lah dia berbual sama si Betty… “Hey.. Betty… ko masi ingat sia kah?” Si David tegur…
“Aik.. macam perna jumpa…” Si Betty bilang yang memang pelupa sebab talampau pikir…
“Saya kawan si Alendra…” David bilang…
“Oh… David!! Memang lah sia ingat! Mana bulih tdk ingat ooo… Si Alendra banyak cerita pasal ko… pasal hal dia kana samun di terminal 1. Nasib lah ada org macam ko David… kalau tdk.. tdk tau lah.. saya masih dapat jumpa Alendra kah tidak…”
“Teda apa2 bai tu… si Alendra sendri yg lawan tu samseng… kuat dia tu!!” Si David bilang.. Maka diorang pun ketawa skejap.. “Bah.. ok lah. Ada kerja lagi sia mo buat ni…” Si David bilang…
“Ah.. ok.. weiiii.. lain kali kita dinner di rumah sia… teda apa2 special utk tanda terima kasih saja…k?” Si Betty yg memang panjang akal itu pun bersuara…
“Ok bah..” Si David bilang… Maka beredar si David pigi sambung kerja dia pada hari tu… Si Loretta pula yang sedang kasi makan anjing dia si Fidget tinguk2 Boss dia si Betty sama si David berbual2.. sambil tu dia tersenyum…
“Napa ko ni? Kana masuk angin?” Si Betty tanya.. tapi Loretta masi lagi senyum2…
“Boss kamarin ko inda prasan dia datangkah?” Si Loretta bilang… “Siapa?? Yg tadi tu? Si David?” Betty tanya sambil mengusap2 anjing si Loretta iaitu si Fidget.. (Betty sayang si Fidget… tulah si Loretta “dibenarkan” mebawa si Fidget pigi kedai bunga).
“Dia lah bagi si Alendra bunga tu…” Si Loretta bilang…
“Yakah???” Si Betty bilang takajut skajap… lepas tu dia rasa lega… dalam hati dia memang sokong si Alendra kalau bercinta sama David…
”Bah… apa mo di heran… si Alendra cantik kan?! Mesti lah layak kalau dapat bunga… si Antonio lama sudah teda bagi sia bunga…” Si Loretta bilang… (Antonio is husband si Loretta)…
“Alamak.. ko hari2 berdepan sama bunga pun mau bunga juga?!?!” dengan gorongitnya si Betty bilang… Betty memang jenis org yang sayang sama insan lain.. dan dia selalu tepat kalau menilai orang…. Dia selalu juga fikir tentang orang lain sebelum diri sendiri. “Kalau bunga yang husband kita bagi… mana sama value dia sama yang ada di sini ni…” Si Loretta bilang… “OK.. ko suruh lah husband ko beli bunga… lepas tu, dapat juga sia kasi gaji ko…” Si Betty bilang…

Di U pula, nampak keadaannya; si Nik very respected hanya kerana dari segi academic yg berjaya… pada masa ini, Nik, Alfonso dan Imelda sedang berulang kaji di sebuah pondok di campus… memang tidak disenangi oleh pelajar gadis yang lain apabila nampak si Imelda selalu ada bersama sama Nik dan Alfonso.. Alfonso pula seorang yang berjaya dalam sukan.. Alfonso terpilih dalam squad bola sepak di U.. dia satu2nya junior yg terpilih.. so seorang jaguh sukan, seorang lagi jaguh academic mestilah perempuan2 di U jelous sama Imelda… kalau dilihatkan Imelda memang simple.. pakai cermin mata, teda pakai mekap, rambut pun selalu ikat, pakaian pun simple.. jeans and blouse.. bulu mata pun tdk pernah kana shape.. kasut dia satu saja yg selalu dia pakai iaitu kasut sport merah nike… bagi perempuan2 di U… hairan lah napa Nik dan Alfonso suka berkawan sama Imelda.. giuk buku lagi tu… so ada juga orang yang tebal muka sanggup mau cuba2 kasi retak friendship ini 3 orang.. iaitu seorang anak orang kaya.. Kimberly nama dia… boleh juga dikatakan gete… pigi campus pun pakai sexi2.. mekap dia tebal2… so dia ini peminat si Nik.. dia akan sanggup apa saja supaya Nik at least pandang sama dia… Kalau lelaki tinguk si Kimberly, memang bukan jenis perempuan yg boleh diambil sebagai bini.. bagi diorang Kimberly utk dimain2 saja… Kimberly selalu ditemankan oleh 2 orang lagi perempuan sejenis dia Marion and Amanda…

“Damn Imelda!!!” Kimberly bilang sama kawan dia… “Only if Nik saw me.. I am sure dia akan malakat on me macam lintah..tidak mau terlepas lagi…” lagi dia bilang…
“I think Nik tu nerd lah.. bulum matang lagi…” Marion bilang “Bukan nerd… Nik jenis yang mau tunggu perempuan yg urat dia dulu. “ Amanda bilang… “Oh… dia mau sia make my move first? We’ll see, I’ll make the move first…” Kimberly said.

So, during lunch time.. Nik duduk di cafeteria saturang… Alfonso ada meeting with his squad.. dan Imelda kasi tuition classmate dia… demi utk berjimat cermat Nik cuma makan nasi putih campur sayur kacang masak udang kering…
So Kimberly, Marion and Amanda yg memang selalu memerhati si Nik pigi lah join dia dengan lunch diorang skali…
Dengan nada yang gatal Kimberly bersuara “Hi Nik..”
Nik teruskan makan… “Nik darling… saya tidak boleh habis lunch sia ni… meh kita share?!” Si Kimberly suggest… again Nik teruskan makan…
“Aweful lah makanan ko… nah… fried chicken… “ Si Kimberly ambil fried chicken dia bagi si Nik… Marion and Amanda senyum2 saja macam mau pugai si Nik… Then si Nik. Bangun from his seat prepare to go and say “I don’t know who u are!!?? U are beautiful but pity… u are brainless..” Nik bilang and then he left… Kimberly pun macam terasa kana cucuk parang batagar dan macam kana panah oleh cupid juga.. “My name is Kimberly… now u know me…” Kimberly bilang tapi Nik sudah beredar jauh…. Kimberly pusing belakang tengok saja si Nik pigi sampai hilang kelibat dia… Di sudut hati Kimberly pun dia rasa hurt juga…


Di A,S & co., pula… jam sudah menunjukkan pukul 5.30 petang tapi si Alendra masih lagi sedang bekerja, sebab si Qiara minta dia bikin extra sikit2.. Emily pun sudah balik… tapi Romulus dan Chris belum balik… Elena dan Qiara pun bulum balik.. diorang selalu balik kalau lelaki idaman diorang iaitu Chris dan Romulus sudah balik…
“Napa ko bagi dia kerja banyak2 o?” Si Elena tanya si Qiara..
“Mana ada banyak oo… sia cuma mau buli dia saja.. siapa tau begitu lambat dia bikin kerja.. memang budak kampung!!” Qiara bilang… “Sia rasa ko bikin mistake besar.. skarang dia ada alasan utk balik lambat..” Si Elena bilang… dengan nada tinggi si Qiara jawab “Ko jangan mo pandai2 ajar saya pula skarang…ah!! Sial!” Si Elena diam saja…
“Memang pun dia anggap ini alasan utk balik lambat supaya si Romulus hantar dia balik.. walaupun budak kampung tapi bukan calang2 punya oo..” Si Qiara bilang… So masa ni makin banyak syak wasangka diorang… macam2 yg diroang fikir…. Masa diorang tinguk2 si Alendra dari jauh di sebalik dinding… tinguk punya tinguk… mengumpat punya mengumpat tiba-tiba si Romulus muncul… hanya dengan senyuman saja.. si Alendra pun bangun bawa hand bag dia dan keluar dari office sama Romulus… Chris menyusul selepas tu…
“Qiara ! Elena ! You guys still around?” Si Chris teriak…
Tapi keadaan diorang yang marah.. sambil ternga-nga kerana terlihat si Romulus dan Alendra keluar sama2 itu langsung tidak jawab si Chris… Then Chris just left and lock the door…
“Damn bit*h!! Grrrr… Memang dia tunggu si Romulus hantar dia balik…!!!! NO!!!!!!!!!!” Qiara marah sambil tarik nafas dengan kuat dan laju…
“Chris pun join diorang…” si Elena bilang macam mo nangis…

Episode 6

“Ko misti mo control ko sendiri… jangan jadi bodoh… kalau ko indaa control ko sendiri macam mana si Chris mo fall in love sama ko..” Si Qiara bilang…”Kita misti mau siasat dengan betul..” Lagi si Qiara bilang… “cheh! Gadis kampung yg menggunakan simpati utk menggoda si Romulus…jangan harap dia dapat hidup hari2 dengan gembira…’ Si Qiara bilang… “Si, Betty tu bukan juga cantik sangat…indaa juga sexy.” Lagi si Elena bilang…

So sampai lah diroang di Thai restoran.. Chris yang order makanan… secara kebetulan si Chris duduk bersebelahan sama Betty… Masa tu, sakit hati betul si Elena… tapi masa dia siasat tidak juga macam bercouple si Chris sama Betty… seperti yg si Betty claim…So, berbual2 lah diorang sambil makan… Masa yang sama si Betty pun mau tinguk2 si Elena sama Qiara… kenapa dia rasa diorang ni penuh misteri… napa dia rasa diorang ni jahat… Si Qiara pula, asyik tinguk saja si Romulus… cara2 dia bercakap sama Alendra penuh mesra… dalam hati dia berkata [Si Romulus sudah terpikat sama tu gadis kampung…saya tdk buli biar kan begini.. saya mesti cari ikhtiar..]
Betty pula beredar ke washroom… masa ini si Elena noticed dan dia pigi bubut si Betty di washroom… dalam washroom diorang bersendirian, “Cheh! Sia tinguk si Chris tu.. tidak layan ko macam gf dia pun..” Si Elena bilang dengan sombong… Betty senyum saja sambil melihat ke cermin..
“Jangan lah perasan mau jadi gf top lawyer…ok?! Ko cermin lah muka ko baik2..” Si Elena bilang sama Betty… Then Betty bilang “Ko pun cermin lah muka baik2 di sini…bye!” Betty bilang… trus dia keluar dari tu washroom..

Begitulah sedikit sebanyak maklumat yg Qiara dan Elena dapat dalam lunch itu… Memang diorang mau ubah perhatian Romulus sama si Chris daripada on Alendra dan Betty saja… diorang mau bikin Romulus & Chris only have eyes on themselves. So, macam2 lah diorang fikir… first mo kasi kana si Alendra… mau si Alendra bikin salah di ofis.. mau fitnah dia…

Then semua orang balik office, Betty pun balik kedai dia lah… Di kedai dia… baru dia dapa tu message dari Loretta supaya kasi kirim tu bunga utk Alendra…
“Alamak.. tadi sia pi lunch sama Alendra, napa ko tia pass kasi sia seblum sia pigi tadi?”
“Tiapa lah.. nanti sia bawa balik…” Masa tu si Betty lupa2 siapa yg bagi tu bunga abis yg tadi dia sibuk on the phone.

Di ofis pula, si Elena pigi cakap sama Alendra… “Ko suruh tu kawan ko berjaga2… ko pun berjaga2… jangan ko mau berlagak di sini. Ini baru first day ko di sini.. jangan sampai staff lain pikir ko di sini sebab mau goda si Chris dan Romulus…” “hah!?” Si Alendra bilang ternanganga…
Apa lagi dengan keadaan itu, terkejut lah si Alendra yg si Elena cakap begitu sama dia secara tiba2… Alendra diam saja… tidak dapa berkata apa2… dari jauh si Qiara yang sudah lama memerhati pun memberi jelingan yang tidak friendly on Alendra…Alendra pun rasa macam tidak kena welcome oleh diorang.. skarang dia rasa kedudukan dia tidak slamat… dia rasa ini adalah difficult beginning bagi dia… apa harus dia buat? Harus kah dia akur saja dan dengar cakap Elena dan Qiara? Ataupun harus kah dia terus kan bekerja di Agusto & Steven tapi enggan berkawan dengan Elena dan Qiara? Harus kah tinggal kan Agusto & Steven hanya kerana Elena dan Qiara semata-mata? Tapi memang tujuan dia bukanlah utk menggoda Chris & romulus… so, dia pun rasa dia tdk buat salah.. dan berharap Elena dan Qiara tdk teruskan dengan fitnah diorang itu… Sudah lama dia berfikir… tidak sangka2 orang yang macam ni betul2 wujud… terus fikiran dia melayang kepada Nik… Adik dia yang perlukan support dia… dan pengorbanan… so she decide to stay… and bertindak ikut keadaan… bagi Alendra… dia boleh berkawan sama sesiapa sahaja… lagipun dia rasa dia ada si David yang pernah menyelamatkan dia dulu… serta memberi perlindungan sepanjang perjalanan ke bandar…
“Alendra… ko study dulu tu fail 2 yrs ago… ko tinguk2 lah sepa2 kita punya clients… mostly kes cerai, kes tanah, kes pembahagian harta… dan lain2… ini Cuma basic saja… kerja ko sebenarnya bikin invoice dan chase payment…” Si Emily bersuara…
Pemikiran si Alendra terhadap si David pun diganggu oleh Emily… “Ok.. thanks..” Si Alendra bilang… So, there goes her first day yang penuh cabaran itu….

In the mean time, si David pun sudah habis kerja… so dia meronda-ronda lah di kadai Betty tinguk2 kalau buah hati dia ada sana ka teda… nampaknya teda…
So dia melepak di kadai Raju skejap…
“Eh.. David… apa macam kerja hari ini?” Si Raju tanya..
“Ok lah… Cuma hantar barang, ambil barang, angkat barang susun barang… begitulah…” David sedang bercakap sama Raju tapi mata dia pandang jauh sana kadai si Betty… Dia tinguk punya tinguk… duduk punya duduk di kadai Raju, jam pun sudah pukul 9 malam… si Betty pun mau tutup kadai sudah… Hampa lah si David tidak ternampak buah hati dia hari tu… “K..lah Raju.. pulang dulu.. bisuk ada kerja lagi…’ David bilang then beredar…

Betty pun pulang ke rumah… di rumah si Alendra yang sudah balik pun baru siap masak dinner… so diorang makanlah dinner sama2…
“Eh Betts….you’re back..” Si Alendra...
“Ya…I’m home.. so how’s ur first day?” si Betty tanya.. “Strange lah urg di bandar ni… macam mo makan urg juga!!” si Alendra bilang… “Hehehe… itu baru first day tu… so ko prepare lah in the future… tapi org macam tu tdk payah mo layan sangat….” Si Betty tambah… “Betullah apa ko cakap tu Betts.. about Elena and Qiara.. full of mystery lah diorang ni…” Si Alendra bilang…
so sambil makan sambil diorang berbual2…
“Oh.. ya… tadi kau ada dapat bunga…” Si Betty bilang…
“Ha? Siapa yg bagi?” Si Alendra tanya… “Tidak prasan lah… Loretta yang terima…” si Betty bilang… So Alendra tinguk lah tu bunga yg Betty bawa balik… teda nama.. teda card… tapi si Alendra dapat rasa yg itu bunga dari David… kalau bukan dari David pun dia harap itu bunga dari David… so walaupun dia tidak tau David yg bagi tu bunga… tapi dia anggap David yang bagi… trus dia senyum-senyum saturang… si Betty pula tinguk saja dia, memahami dan tidak berkata apa2…

Episode 5

“Good morning Betts, awal ko bangun..” Si Alendra greet si Betty.
“Good morning. Bah.. kawan sia first day kerja niari… sia prepare lah sikit breakfast.. here have your breakfast, before u go..” Si Betty bilang… “Thank u very much..” Si Alendra jawab..
“So, utk first day ni, sia hantar lah ko pigi kerja.. lain kali ko kena sendiri naik bas k…” Si Betty bilang “Ok… banyak sudah ko tulung sia ni… saya rasa indaa susa bah mau naik bas tu.. bukan basar sangat ni bandar ni…” Si Alendra bilang sambil bergurau senda..… So Betty hantar lah si Alendra pigi kerja, dalam perjalanan dalam kereta sampat juga diorang berbual2 sikit…
“Ko mo jaga-jaga sama tu receptionist sama tu supervisor sana tu..” Si Betty bilang.. “Napa? Makan urang ka diorang tu?” Si Alendra bergurau tanya…
“Bukan.. sia tinguk diorang 2 tu, licik.. banyak misteri..” Si Betty bilang…
“Bah… sia Cuma bergaul sama Emily saja bai ni dalam masa 2 minggu ni… “ Si Alendra bilang… “Ya..ko cuba tanya2 si Emily pasal org di sana specially tu receptionist dan supervisor..” Si Betty bilang…. “Ih… lain juga tu...” Si Alendra bilang.. “Begitu lai tu kalau baru mula kerja, misti mo tanya itu tanya ini…” Si Betty bilang… “Bah..tinguk lah.. ikut keadaan..” si Alendra… Maka sampai lah di Agusto, Steven & Co…. “K..bah…good luck..kalau ko ada hal ko call saja sia k..bye.” Si Betty bilang.. “K… teda hal pun sia call ko juga.. Bye Betts.”
“Psst… nanti kita lunch sama2.. I’ll wait for you here, at 12:30. K” Si Betty bilang
“OK.”
Sementara itu, di kedai 24 jam Amin, si David yg sedang memandu van milik syarikat pun pigi lah menjalankan tugas iaitu collect & deliver stock. Other than that, dia bikin inventory juga yg kici-kici punya utk kedai yg diberi nama “Gedung Store 24 jam.” Masa bekerja pun dia asyik fikir si Alendra… senyuman Alendra, gurauan senda si Alendra dan lain2.. dalam kata lain.. si Alendra tu alasan dia utk teruskan hidup… “K..ini chemical ko tulung hantar pigi kadai bunga “Betty is The Florist” di Old Kent!” Si Amin bilang utk memberi tugas to David.. selain dari itu ada juga lain-lain punya delivery orders… Buli dikatakan yg kedai bunga Betty hari2 melanggan chemical dari kedai Amin.. utk supaya bunga dapat tahan lama… ini jenis chemical is like nutrient utk bunga2.. kalau indaa kasi apply on bunga ini chemical hanya bulih tahan selama 12 jam terus expired ni chemical, that’s why, kena supply hari2 pigi kadai Betty…
So David sampai lah di kedai bunga Betty… masa tu Betty sedang bercakap dalam telefon sama customer dia… then Loretta, assistant si Betty; layanlah si David.. sudah siap delivery terus si David, tinguk2 keadaan sekeliling… Memandang di fikiran dia skarang ni Cuma ada si Alendra saja trus dia pun terpikirlah mau beli bunga kasi Alendra.. sebagai tanda perkenalan diorang. Dia nampak tu bunga ros pink sikit2 purple… “Miss.. ni bunga brapa harga?” David tanya si Loretta.. “RM6. sekuntum.. ko mo?” Trus David macam takajut sikit…
“Mahal juga tu… buli makan nasi ayam 2 kali…” Si David bilang…
“Abis ko pilih bunga ros kawin, kalau yg biasa punya RM3 sekuntum…” Si Loretta explain…
“Bagi sia satu saja, kasi bungkus cantik2…” Si David bilang… “Mo tulis card?” SI Loretta tanya.. “Brapa?” Si David tanya “Macam2, ko pilih lah, harga dia RM1.50 sampai RM30 sangkaping..” Loretta bilang… “Iskk.. mahal o.. indaa payah card la.. bungkus saja…” Si David bilang
“Kalo mo bungkus mo tambah RM2.” Si Loretta bilang…
“Ok..” SI David bilang… Masa itu si Betty masih lagi sibuk sama customer on the line… So, when si Loretta sudah siap bungkus, si David pun bayar lah RM8 utk 1 kuntum bunga ros.. then dia pesan sama Loretta “Ko tulung sia kasi pass kasi ko punya boss punya kawan.. Alendra nama dia.. K bye!” Dengan geli hati dia sendri, dia beredar… pigi sambung kerja yg lain…

In the mean time, di U; Nik dapat kawan baru, masa class Political & Social dia team up sama 2 orang kawan baru iaitu Alfonso dan Imelda dan lain2.. bukan saja di Political & Social diorang team up tapi di mana2 class such as, Commerce, Communication, IT, dan co-curriculum activities. Memang slalu sama2 lah… Si Zino pula tidak sudah ganggu si Nik.. dia buat hal dia sendiri… dia pun indaa bawa perempuan balik asrama dia lagi…
Dengan kehandsoman si Nik, banyak perempuan yg berminat sama dia.. sampai ada yg sanggup blanja dia makan hari2, Nik pun rasa bangga dengan keadaan dia skarang…

Di ‘Agusto, Steven & Co.’ Si Elena macam mau befriendly yg indaa ikhlas sama Alendra “Good morning Alendra..” Si Elena greet sama Alendra sambil pass 1 cawan nescafe utk Alendra… “Good morning.. Elena. Thanks.” Alendra berterima kasih atas tu nescafe. “Hmm… kamarin tu kawan ko ka tu?” Elena tanya dengan penuh siasat… “Siapa? Si Betty? Ya…” Alendra jawab…
“Oh… gf si Chris kah tu?” Elena tanya lagi.. “Tiatau lah…napa?” Si Alendra tanya… then tiba2 si Emily muncul.. “Alendra… let’s go.. I’ll show u the secret format.” Si Emily bilang. So, si Alendra belajar buat kerja dia dengan tekun, dengan penuh tumpuan. Seperti biasa si Elena dan Qiara sedang menyiasat niat sebenar si Alendra… So here comes big Boss Romulus… to Emily and Alendra…. “So, Alendra; How’s ur first day?” Si Romulus tanya si Alendra.. “Challenging..” Alendra bilang… “If you need anything, such as, stationery ko buli minta si Qiara..” Si Romulus bilang..
“Yes..” si Alendra bilang… “So, later, we go lunch together?” Si Romulus bilang… “emm… Sia sudah ada date sama Betty.. she’ll be here in few minutes.” Si Alendra bilang… “No problem we can go to lunch together with Betty. And Emily is coming too…” So Romulus bilang… Si Emily yang mau resign sebab mo migrate pigi New Zealand memang friendly dan banyak membantu si Alendra…
“wah… wah… Saya tdk kana invite ka?” Tiba2 si Qiara dari blakang bersuara…
“Bulih bah… kita semua pigi lunch… sempena mau welcome si Alendra dan sempena farewell utk Emily.” Si Romulus bilang… Then satu ofis tapuk tangan lah…
So.. masa lunch time diorang semua… Romulus, Chris, Qiara, Elena, Emily, Alendra, staff yg lain2 dan juga Betty pigi sana Thai restaurant… dalam masa perjalanan, dalam satu kereta si Qiara dan Elena… “Sia mo tinguk perangai si Chris dapan si Betty…” Si Elena bilang… Trus si Qiara bilang…

Episode 4

Episode 4

“So Miss… please fill up this application form, and if you have any certs, please pass to me so I could make copies. And oh… ur I/C too, pls” Si Qiara bilang.. so Alendra pass semua yg Qiara minta… and fill up tu form.. So Qiara tinguk lah semua sijil2 si Alendra… Cuma ada sijil SPM, and sijil computer Microsoft and other activities certs. Trus dengan hati evil dia berfikir {Cheh! Ini perempuan langsung teda experience.. mesti dia goda si Romulus for the position..}

Sementara tunggu si Alendra, si Betty mau pigi toilet; so dia tanya lah tu receptionist, “Miss, mana toilet?” Si Betty bilang… Tapi tu Receptionist pura2 indaa nampak dia… “Excuse me, Miss.. where’s the toilet, please?” Si Betty bilang… Barulah receptionist yg bernama Elena tu jawab dia… “Ahhh.. begitulah… pakai lah perkataan ‘excuse me’ kalau mau tegur orang… baru bersopan sikit…” Si Elena bilang… “Oh.. sorry. So mana tu toilet?” Si Betty tanya lagi dengan penuh sabar walaupun muka si Elena menyampah butul… Trus si Chris muncul “ Oh! Sini pula ko…Betty.”
“Ya… mau pi toilet kajap..mana tu toilet?” Last2 si Betty tanya Chris… Then Chris yg jawab “Sana.. on the left.. ko nampak la tu sign tu..”
Trus si Chris tinguk si Elena dan cakap… “Itu kita punya guest, Tolong lah yan guest kita dengan baik. OK!? ” Trus si Elena terkena satu biji…”Sorry Chris…” Si elena bilang dengan nada yang manja… Si Chris pula macam mau muntah nampak si Elena begitu…

And then at the conforence room, si Alendra sedang berbual-bual denga Qiara..
“So, macam mana ko kenal si Romulus?” Si Qiara tanya… Dengan berkata di hati si Alendra {ih! Ini bukan ada kana menagana sama interview ni..} Tapi dia jawab jugalah…
“Well, tadi di restoran…dia bilang ada vacancy di sini..dan saya pula sedang cari kerja…So why not give a shot?!” Si Alendra bilang….
“Bila lagi ko kenal dia?” Qiara tanya lagi.. tapi belum sampat si Alendra mau jawab trus si Romulus masuk join diorang… dan bersuara “Ok Alendra.. kalau ko sudah selesai isi tu form… ko tanya lah apa2 soalan?”
“Emmhh… Jadi bila sia buli start kerja ni?” Si Alendra tanya…
“Bisuk.” Si Romulus bilang sambil tersenyum2… Dengan happynya si Alendra jawab “Ok… I will do my best…” Si Qiara pula macam indaa brapa suka si Alendra… masih ada tanda soal yg basar di otak si Qiara napa si Romulus mau ambil si Alendra? Misti Si Romulus minat si Alendra ni? Hati si Qiara bilang. Susah dia mau percaya semua tu.. heran napa Romulus hire orang tanpa tanya pendapat dia. Kalau dulu, Romulus mesti tanya dia dulu, skarang tidak.. balik saja dari lunch trus dapat pengganti si Emily… ini mesti ada sesuatu…itulah yg ada dalam fikiran si Qiara..
“So, mari lah.. saya bawa ko jumpa semua orang di sini..” Si Romulus bilang… So Romulus bawalah Alendra berjumpa dengan staff semua especially si Emily yg akan membimbing si ALendra for 2 weeks. Ini bermakna Alendra only have 2 weeks to learn all her job scope.

Then si Qiara pigi sana tampat Elena seperti biasa activity yg Elena & Qiara buat mengadu pasal hal2 masing2, mengutuk, mengumpat dan sebagainya… bagi diorang (Qiara & Elena) diri diorang sendirilah yg paling the best..… Diorang ni jenis org yg indaa mau dingar nasihat, pendapat atau komen org lain. Tapi Elena pula jenis perempuan yg teda pendirian… bagi dia si Qiara contoh wanita dalam hidup dia, sesiapa yg melukakan Qiara ialah melukakan dia juga, dia ikut cakap Qiara saja, selau mengampu si Qiara. Dalam kata lain, dia sayang si Qiara sampai sanggup buat apa saja utk si Qiara.
“Kita ada staff baru, ganti si Emily. Si Romulus yg ambil dia bekerja sama kita, benci benci benci oooo!!!” Si Qiara bilang sama si Elena..
“Rapat ka dia sama Romulus?” Si Elena tanya… “Rapat ka tidak rapat… Romulus tu saya punya.. teda org bulih rampas dia!” Si Qiara bilang… “Sia tau… si Chris pula marah sia pasal guest dia… sakit hati saya ooo dia layan sia begitu.. bilalah dia mau terima saya jadi gf dia tu?” Si Elena pula mengadu… Tapi si Qiara macam indaa peduli dia dan cakap… “Ko dingar sini… saya tidak akan benarkan si Alendra dapat hati si Romulus… dan saya akan paksa supaya si Alendra kasi tinggal the firm… damn it!! Langsung teda pengalaman bekerja, ko imagine tu??? Dia dapat ganti si Emily.. Misti dia goda si Romulus…” Trus Qiara balik tempat dia dengan hati yang sangat marah…
Tapi tanpa disedari oleh Qiara dan Elena… si Betty yg baru keluar dari toilet terdengar perbualan diorang di sebalik dinding.. “oh… macam tu cerita dia..” Betty fikir skejap. Then, dia keluar duduk di guest seat sambil pakai lipstick dia berbual2 sama si Elena… “So, Elena.. apa macam si Chris? Bagus kah dia layan org di sini?” Betty bilang…
“Bagus… paling bagus sama saya specially. Napa ko mo tanya pasal dia?” Si Elena bilang…
Dengan sengajanya si Betty mau kasi sakit hati si Elena sebab biadap sama dia tadi trus dia bilang “O… tidak rugi lah saya dapt bf macam Chris.. hihihi…” Trus si Betty pigi sana conference room cari Alendra… Apa lagi hati si Elena memang macam kana cucuk parang batagar.. “Dia gf Chris?” Mood si Elena hilang sama skali… indaa sabar dia mau cari si Qiara mau pigi mengadu…

Setelah selesai itu-ini, Betty and Alendra pun pulang lah dengan berita yg menggembirakan itu… Sempat juga diorang singgah kedai bunga buka utk beberapa jam… “Kalau bukan pasal si Loretta emergency leave… tidak juga tutp bai ni kadai ni niari..” Si Betty bilang. “Sorry a Betts… pasal sia sama nik ko terpaksa tutp kadai ko niari..” Alendra bilang… “Tiapa bah… yg penting semau sudah kana urus…” Then siorang senyum happily… so si Alendra pigi lah cari si David di kadai Raju… si David ada sana… dan dia pun sudah start kerja sama Amin… “Hi David…” Si Alendra bilang… “eh.. Alendra…duduk lah sini.. mau minum apa?” David bilang… “Nescafe ping.”
“Ok… mana Nik?” Si David tanya… “Nik di U sudah. Saya ada berita baik mo share sama ko bai ni…tulah sia datang.” Si Alendra bilang..
Trus David bergurau2 “Takkan ada berita baik saja baru datang… kalau ada berita buruk kah, teda berita pun datang lah bah… minum2… Ok apa dia berita ko tu?” Si David bilang…
“Sia dapat kerja sudah.. bisuk start… gaji pun ok, Boss pun bagus.. jadi tulah sia indaa berapa nervous..” Si Alendra jawab.. “Oh.. bagus lah… sia pun ada kerja sudah.. bisuk juga sia start…“ Bilang si David… Trus si Alendra bilang “Sama2 kita sampai sini, sama2 kita dapat kerja niari, sama2 kita start kerja bisuk… hehehe” Si Alendra bergurau… “Ya… mangkali kita ada jodoh bai ni…” Si David lagi bergurau… Turus merah muka si Alendra… “Jadi apa ko bikin ni malam?” Si David tanya abis teda lagi benda yg dia mau cakap… dalam hati Alendra {Aik! Takkan dia mau bawa sia keluar ni malam.} “Teda… tidur awal to get enough sleep for tomorrow.” Alendra bilang… masa tu kedua2 orang ini berbual2 saling bertukar pendapat, fikiran utk mengenali lebih dalam antara satu sama lain. “Kita mesti celebrate tentang ni hal one day.” Si Alendra bilang sebelum beredar.. “Bila?” Si David tanya “Tinguk lah… sampai kita stable dulu..’ Si Alendra bilang “K… ko jan lupa apa yg ko cakap ni ah..!” Si David bilang… “Ya lah bah… bye”
“Bye!”

Malam tu sebelum pigi tidur si David terfikir saja pasal si Alendra, cara2 diorang berkenalan, Alendra sikit lagi kena cabul oleh samseng, dalam perjalanan sampai bandar banyak hal yg diorang cakap, dan banyak juga yg diorang buat.. “Sia harap ko ada di sisi saya selama-lamanya.. oi Alendra.” Si David bilang sama diri dia sendiri… sambil dia tersenyum2 sendiri…

The next day. Si Alendra pun pakai lah baju dia yg dia rasa paling cantik, seluar slack putih dan blouse putih…rambut dia lepaskan saja… serba putih utk memulakan hari yg penuh cabaran itu…

Episode 3

Episode 3

The next day, Betty bawa Alendra and Nik to the U where si Nik akan study for 4 yrs.. Nik dapat biasiswa 50%, the other 50% keluarga dia kena lah tanggung, so Nik dapat satu bilik asrama tapi hanya utk 1 tahun… lepas tu dia kena tinggal di luar…So, setelah selesai urus itu-ini di U, Alendra pun kena pigi becos si Nik start class immediately. “Bah… jaga2..” Si Alendra bilang…

“K lah Nik… ko study lah bagus-bagus… tia paya lah ko risau kakak ko ni…” Si Betty bilang…
‘Saya harap ko tdk kasi hampa mom & dad..k?” Si Alendra bilang sama adik dia… “Ya..” Si Nik jawab… “Nanti kalau sia dapat kerja then sia cuba fulfil apa saja yg ko minta… For the time being… saving saya cuma cukup utk apa yg kita perlu saja… nah.. kalau ada lebih sia bagi lagi…” Si Alendra bilang sambil menghulurkan duit RM150 pada satu2nya adik dia… “Thanks!” si Nik bilang…
“Bah… k lah siorang mo chow sudah ni..” Si Alendra bilang….
“Bye!” Nik bilang.. “Bye!” Alendra bilang…. “Bye Nik… nanti hujung minggu kami datang lagi… kita pi makan di luar sama2..” Si Betty suggest…

So sebelum masuk class, Nik pigi simpan suitcase dia dalam bilik asrama… di sana dia nampak ada couple bermesra…Nik rasa disgusting, “Excuse me, sia org baru dalam bilik ni…” dia bilang “Hi… jadi ko lah tu budak kampung roommate sia tu!!! Hi saya Zino, kalau kau mau jadi roommate saya ko jangan berkelakuan seperti org kampung…” Si Zino iaitu parampuk di U… Nik diam saja indaa mau layan… “Oiii ko paham ka?” Si Zino bilang… “Ini perempuan pun tinggal di sini ka?” Nik tanya si Zino… “Napa? Ko mo lapor sama Profesor?” Si Zino bilang…
“Kan ini asrama lelaki?” Si Nik jawab… “Wah1 Wah! Wah! Ko org baru pandai menjawab?!??!! Ko tau ka sepa saya?” Si Zino bilang… Dengan keadaan yang macam mau meletus peperangan, itu perempuan cepat2 cabut larii… “Tidak…” Si Nik bilang… “saya lah ko punya taiko sekarang.. ko pula akan cuci baju sia, kasut sia dan macam2. Ko paham?” Dengan angkuhnya si Zino memberi arahan.. “Kalau sia indaa mau?” Si Nik jawab… “kalau ko indaa mo… ini ko dapat!!!” Si Zino cakap trus dia tumbuk perut si Nik.. Nik tahan sakit skijap trus dia tinguk muka si Zino yang tersenyum sinis… trus si Nik pun balas balik dengan satu tumbukan di perut Zino…Zino pula yg kesakitan berabis, trus si Nik bilang “Ok, kita sama2 kuat di sini… jadi ko cuci baju ko sia cuci baju sia..Ko paham kan?” Trus si Nik pigi class…

Sementara itu, si Betty and Alendra pigi lah jalan2 di seluruh Bandar seperti yg dijanjikan…diorang shopping2 sikit, tinguk2 ada vacancy atau teda…. “Eh… Alen.. ko ada bawah ko punya sijil semua?” Si Betty tanya tiba2… “Ada sana kereta kau.. napa?” SI Alendra tanya… “Teda… manalah tau ada vacancy walk-in interview, bulih lah cuba. Mana tau ada luck!” Si Betty bilang…
Turs diorang pigi lah makan lunch di Italian restaurant. Sambil bercerita kisah-kisah yg dulu masa di kampung, pengalaman Betty di bandar dan macam2 lagi.. trus si Alendra noticed ada satu lelaki perpakaian kemas siap dengan neck tie lagi asyik tinguk si Betty… “Betts… that guy tinguk saja ko… macam dia kenal ko…” Si Alendra kastau si Betty… “Mana?” Betty toleh kebelakang dan memang pun itu adalah seorang yg dia kenal… “O..that guy sia kenal di satu party bai tu…” Betty bilang sambil melambai kearah orang itu… Orang tu yang sedang having lunch sama kawan dia pun datang mendekati meja Betty and Alendra… “Hi Betty!” Dia bilang… “Hi Chris.. “ Si Betty bilang… Si Chris pun memberi isayarat kepada kawan dia utk datang join sekali di meja Betty dan Alendra… So diorang berkenalan lah… “Hi this is my friend and my co-partner… Romulus.” Si Chris bilang sambil bergurau… “Tapi dia macam kawan sia ni.. bukan macam berbisnes sama sia… “ Chris bilang lagi…
“Oh..hi…. I’m Betty, and this is my friend Alendra.” Trus Romulus bilang ”Wah dua orang sumandak makan sendiri2, buli kami join kah? Kalau indaa mengganggu lah.” “Buli… join lah… indaa mengganggu…” Betty bilang… “Ya duduk lah…” SI Alendra bilang. So diorang duduk makan sama2. Dalam hati Alendra… {kacau daun oo ni orang… saya mo cerita panjang sama kawan lama pun indaa buli..} Tapi Chris & Romulus memang friendly… sampai Betty & Alendra pun rasa macam sudah bertahun2 berkenalan… so diorang berbual2…bergurau senda. Si Alendra pun rasa senang bercerita sama si Chirs & Romulus. Sampai lah ke tahap “So Alendra, apa ko bikin skarang?” Si Romulus tanya.. “Emmmh…”
Trus Si Betty bilang… “Dia baru sampai sini, dia mau cari kerja!” “Ya.. baru sampai kamarin.. baru mau start cari kerja…” Si Alendra bilang… Betty memang jenis tdk suka bersembunyi… dia straight forward punya org… “kerja apa?” Si Romulus tanya… “Oh… saya pernah bikin accounts… tapi saya bukan accountant… saya bikin account di kedai runcit bapak saya.” Dengan innocentnya si Alendra bercerita pengalaman dia di kampung.. “Alamak!!! Ngam2 juga ni… kami memang mau cari Accounts Clerk di ofis…” Si Chris bilang… “Ya… si Emily mau berhenti kerja, dia ada lagi 2 minggu… mungkin ko buli ambil tempat dia..kalau ko mau lah! ” Si Romulus bilang… “That sounds nice!” Si Alendra bilang… “I’m willing to try… by the way, apa company ko bikin?” SI Alendra tanya… “Oh… Kami ni Lawyer…” Romulus bilang sambil mengambil name card dan bagi sama Alendra… card tertulis nama Romulus Agusto (Director) dan nama company legal firm ‘Agusto, Steven & Co.’ Alendra tengok itu card dan bercakap “So, Agusto and Steven….” Trus si Chris menyampuk, “Oh…that’s me… Chris Steven..” si Chris pass name card dia utk Betty and Alendra… “OOO… kamu dua2 pun Boss ni.. “ Si Betty bilang… Tanpa berfikri panjang si Alendra trus cakap… “So, bila sia mau pi interview?”
“Nanti kita pigi ofis lah…” Si romulus bilang… so hari tu juga Alendra dianggap sudah kana interview… so after lunch diorang pigi lah tu firm ataupun ofis…

Sampai saja di ‘Agusto, Steven & Co.’, Alendra and Betty pun tunggu di conference room, while si Chris buat kerja dia on and off dia layan juag Betty and Alendra.
Si Romulus macam indaa mau lagi interview si Alendra becos dia sudah ada perasaan yg si Alendra memang berbakat dan sangat layak utk itu position… lagipun dia terpikat sama kecantikan dan behaviour si Alendra. so dia pass kasi secretary dan juga merupakan supervisor A, S & Co., utk dapatkan details si Alendra… “She’s our new staff, will take over Emily. I have interviewed her. Ask her expected salary but anyway we offer her RM1200 per month.” Si Romulus bisik sama secretary dia si Qiara.
So, Qiara pigi lah face 2 face sama si Alendra. Qiara jalan perlahan2 merapati Alendra dan berfikir dengan expression yg bingung {Macamna pula dia sudah di-interview oleh Romulus? Romulus kan baru balik dari lunch? I wonder siapa ini perempuan? Datang sama2 romulus lagi tu…}

Episode 2

Episode 2.

"Terima kasih David…" Si Nik bilang… Dengan handsomenya si David (29) senyum saja… “Teda apa2 bai tu… Cuma urg susa tulung urg susah…” Dia bilang.. Trus


Alendra pun cakap.. "Ya terima kasii.. Kalau indaa, malu baa kami mau pulang… urg kampung pun sudah bagi semangat supaya kami balik dengan kejayaan.. Kalau buli sia indaa mau balik selagi indaa berjaya..." So diorang bertiga pigi sana counter bas utk mendaptkan ticket ke bandar…..Si David (rambut panjang, bulu mata lebat, badan pun tagap) yg bayar… indaa taulah napa si David ni baik hati butul…

Mula-mula dia bilang dia kasi tambang saja, trus dia blanja makan… dia kasi tunjuk lagi keadaan di sekeliling… so dia cerita lah sama si Nik… ‘Dulu sia datang pi bandar sia saturang saja… macam2 yg telah sia lalui… sia balik2 tukar pekerjaan… tetau lah kanapa.. sia jenis urg yg susah kerja satu tampat bah…” David bilang “Di mana kau kerja skarang?’ Si Nik tanya… “Skarang teda… baru2 tu sia jadi driver si YB… tapi ada hal…tulah sia mau balik bandar.. pi jumpa kawan sia…” David jawab… Sementara itu.. si Alendra curi2 pandang si David… gelihati si Alendra… indaa taulah apa yg dia fikir dan rasa itu…
“Saya mau pigi lapor diri di U.” Nick bilang… “Kakak saya mau cari kawan dia si Betty..” dia sambung... “oh...” dia bilang si David...
Trus si David kadapatan si Alendra curi2 tinguk dia... trus si Alendra tinguk arah lain... “Ya.. kami mau cari si Betty.. dia ada kadai bunga di Jalan Old Kent...”
“oh... sana... sia tau tu tampat..” Dia bilang si David.. “Kawan sia ada buka kadai makan di sana... kadai makan Indian...” Lagi si David bilang...
Semua diorang senyum... Dalam hati Alendra fikir {Handsome lah si David.. baik hati lagi tu...ngam2 kawan sia ada buka kadai... kawan dia pun ada buka kadai...}.

“Bagus lah kalau kau tau tu tampat David.. aman damai kah sana tu?” Alendra tanya.. “Ok ok lah... tapi macamna pun lebih baik jaga diri bagus-bagus..” jawab David.
“Ya.. lebih baik jaga diri sendiri...” Si Alendra bilang... Skarang si David lagi curi-curi pandang si Alendra... rambut hitam panjang...mata bulat...  “Nanti ko tulung kami cari kedai Betty k, Dave?” Si Nik bilang...
“No problem bai tu... Kalau si Betty tdk kasi tumpang kamu.. kita tumpang lah d ruma Raju..” David bilang... Si Alendra senyum saja... “Si Betty tunggu2 kami tu..” Dia bilang..

Keadaan senyap sebentar...Nik meninjau ke arah tingkap bas... Alendra berbual-bual dengan David “Nanti kalau sampai Bandar.. saya pigi bank then saya bayar ko balik duit ko, k?”
“Palan-palan baitu…”  David bilang…

Sampai Bandar… mereka bertiga pigilah sana Old Kent Road.. “Wah! Bersih ooo ni tampat.. banyak orang.. banyak kereta...” Si Nik bilang...  

Jalan punya jalan.. sudah pi bank...sudah bayar utang si David... maka.. Dari jauh lagi si Alendra nampak  tu papan tanda “Betty is The Florist” … terus macam mau terkeluar air mata dia…
Dia berjalan dengan laju  menghampiri tu kedai dia ternampak satu figure keluar pigi siram2 bunga yg kena display di luar…. Memang itu lah kawan baik dia si Betty...
“Betty!!! Betty!!! Si Alendra sambil air mata dia banyak keluar sambil dia panggil bestfriend dia.... Nik sama David bubut saja di belakang dia... Betty pun tinguk kiri kanan atas bawah dari mana tu suara datang... trus dia ternampak si Alendra sedang berjalan laju ke arah dia... “Alendra!!!!!” dia teriak… Terus diorang berpelukan…. Sambil bernangis2… “Ko..sampai juga di sini...isk isk... sia bilang kaloo... ko sampaaiii ko fooonnn sia supayaa siaa ambil ko di terminal kan???!! Napa ko te fon dulu oo... yeee.. girgitan saya ooo..“  Betty bilang… “Tiapa lah bah… sia sini sudah ni…” Alendra bilang… “Wah… Si Nik kai ni? Basar sudah!!!” Si Betty bilang… “Hi..” Nik bilang..
Dengan gentlemennya si David bersuara “Hi…saya David. Saya berkenalan sama diorang dalam masa perjalanan.. “Oh..hi.. Sia Betty.” Betty and David berjabat tangan…

Lepas tu… David bilang.. “ok lah..I make my move first..” Cepat2 si Alendra bilang
“Kita jumpa lagi lain kali..k?” ..David senyum gembira..dan jawab “Tatap!” …

Jadi David pigi lah sana kadai restoran kawan dia si Raju… yang jauh dia.. macam dari Hyatt pigi Milimewa di KK... Dakat saja... Raju dan his family ni sudah anggap David macam saudara diarang.. jadi for the time being David tumpang di rumah Raju sementara cari kerja…
“Si Amin ada vacancy tu.. tu lah sia suruh ko datang Old Kent, dia mau cari org kuat utk jaga store dia…dia bagi asrama, kereta utk ko pakai..” Raju bilang… “Banyak juga kebaikan dia tu… “ David bilang,,, “Tapi saya inda mau la” “Kenapa?” Raju tanya...
“Sebab ko tau lah... saya tdk suka kerja lama… ” David bilang… “OK…sementara saja lah…” Raju pujuk David supaya pigi bekerja di kadai Amin jadi Storekeeper… sebab David tengah menganggur.. dan offer sudah datang dari kawan baik diorang…  si Amin.. “Napa ko ni oh Raju? Ko takut sia kasi abis baras ko?” Tiba2 David naik angin...
“Bukan begitu...Ko buli tinggal sini lama2... ko buli makan apa saja yg ada di sini...tapi.. kan bagus kalau ada income sendiri!? Ada kereta... buli lah ko bawa tu sumandak di kadai bunga pi jalan2...” Raju ejek2... “Apa sumandak kadai bunga oo???@#$ Ko jangan cakap sembarangan ah!!!” Davdi main2... “Bah... kalo ko temau tu sumandak,  sia mau lah...”  Si Raju bilang... “Muka ko macam ni?!! Jangan ko cuba2 mau berani...” David ugut si Raju..
Akhirnya setelah di pujuk Raju.. dan berfikir lama.. si David pigi lah cuba2 cari si Amin...

Sementara itu, Alendra dan Nik .. tumpang lah di rumah Betty yg tinggal saturang di Studio apartment.. “Bisuk lepas kita pigi urus si Nick trus kita jalan2 di Plaza..sia bawa ko sana supaya ko biasa-biasakan lah diri ko di sini..k..”
“Ya... memandangkan ko tutup kadai ko satu hari buli lah... kita spend time sama-sama..” si Alendra bilang...

Episode 1

Alendra adalah seorang gadis kampung (... ada internet juga kampung dia... tidak juga sangat berpelajaran..sampai form 5 saja.....) Dia ada satu kawan baik iaitu Betty dari kampung dia juga... tapi Betty sudah berhijrah ke bandar.. Betty memang ada ajak si Alendra pigi bandar ikut dia... tapi ibubapa Alendra tidak mau Alendra pigi bandar sebab tidak trust sama Betty... sampai lah beberapa tahun... masa Nik iaitu adik Alendra dapat offer masuk IPT (UMS) dalam jurusan IT. Di kampung Alendra cuma tolong ibubapa dia jaga kadai runcit.. Dia memang bercita-cita mau ada kerjaya sendiri... sekarang dia buli mula kan perjuangan dia itu.. kerana sekarang barulah Alendra ada alasan mau pigi bandar... jadi tu dua beradik bersiap-sedia lah mau pi bandar... “Kalau sampai KK trus pigi cari si Betty kama… jangan kamu mansau2 tampat lain…” Mamma diorang bilang selepas mendapat tahu yg si Betty sudah berjaya di KK…barulah mamma dorang ini percaya sama Betty. “Bah…” Diroang bilang.. “Jaga2 sana… jangan kasi susah si Betty kio Nik?” Lagi mamma diorang bilang… “Alendra, jaga2 tu adik kau… kalau kau dapat kerja di sana, kerja butul2.. jangan main2..” Bapa dia bilang… So dorang pigi lah sana bus stop mau pigi pekan tunggu bas basar… ada juga budak2 dan kawan2 Alendra yg lain datang untuk mengucap farewell dan beri semangat… makin naik lah semamgat Alendra dan Nik atas sokongan orang kampung itu…



TAPI...

Dalam perjalanan pigi bandar, baru sampai di terminal bas, dan selepas membeli tiket bas, mereka (Alendra & Nik) diganggu oleh samseng..Kedua-dua mereka ditutup muka dari belakang dan diheret ke tempat sunyi... dan dirompak..
“Cheh!!! Beg baju saja… Oi!! Amoi!! Mana ko punya emas semua?” tu samsing bilang… Dengan cepatnya si Nik rebut tu bag trus cuba mo attack tu samsing tapi tiket yg Nik pegang kana rabut pula oleh samsing…… Alendra Cuma berdiri di siring takajut dengan apa yg terjadi… then tu samsing kasih kuyak tu tiket…dan bertumbuk sama Nik… “Cukup!!! Jangan pukul adik saya lagi…” Alendra bilang sambil menangis… bila dingar suara Alendra tu samsing pun berhenti lah… tapi tu samsing inda puas hati.becos cuma ada duit sikit dan teda barang kemas.. so skarang Alendra mau kana rogol pula oleh samseng... memang malang tak berbau....bila tu samsing mau rapat sama Alendra dan cuba mencabuli dia… Nik berabis berlawan sama samseng..... dia pukul pakai beg... "Jangan kacau kakak saya, kalau sudah ambil duit tu.. berambuslah!!!!!" Dia bilang. Tapi samseng tidak peduli.....

Alendra menjerit-jerit mungkin dia sendri pun tidak tau yg dia tu kuat... tapi tu samseng lagi kuat......

Sementara itu, ada kira-kira 10 km punya jauh si jejaka yg bersedih (baru hilang pekerjaan) terdengar jeritan Alendra... dia pun pergi menjenguk2 kalau ada apa2 hal... so "Si Jejaka" ternampaklah si Alendra sedang bergelutan sama samseng, dan si Nik pula sedang pukul2 tu samseng..... dia pun masi bingung tapi dia kasian tinguk si Alendra… trus dia teriak "WOI!!!!!!!" Dia ambil tu kayu berdekatan... bulum pun sampat pukul tu samseng, tu samseng lari.. tinggallah Alendra duduk nangis2... “Bah,,, lari sudah diorang…” si jejaka bilang…
"malang oo saya...isk..isk..." dia bilang... "Kau teda apa2 Endra?" Nik tanya... "Saya teda apa2... tapi kita teda duit sudah... bulum pun sampai bandar... kalau sampai Bandar bulih pigi bank.." Alendra bilang.... Si jejaka yg sedang berdiri di sana pun bersuara "Bagus lah kalau kamurang teda apa2. Kamu mau pi bandar? Sia pun mau pi sana... marilah sia kasi tambang kamu... tapi setakat itu saja." Si Jejaka bilang..

"Terima kasih... kalau bukan pasal kau, tu samsing misti tidak lari...” Si Alendra bilang...tapi dia terlupa pula mau perkenalkan dirinya …

"O...saya Alendra dan ini adik saya Nik.." sambungya... Sambil berjabat tangan si jejaka bilang "Saya David..."